Ana Sayfa
İletişim
sayfa-2
sayfa-3
sayfa-4
sayfa-5
sayfa-6
sayfa-7
sayfa-8
sayfa-9
Sayaç
sayfa-10
sayfa-11
sayfa-12
sayfa-13
sayfa-14
sayfa-15
sayfa - 16
sayfa - 17
sayfa - 18
sayfa - 19
sayfa-20
sayfa-21
sayfa-22
sayfa - 23
sayfa - 24
sayfa -25
Qariqatüru -Karikatürler
Gireye Pela Umbazu
 

sayfa-3







-------------------------------------------------



-------------------------------------



----------------------------------------------




Editör Notu: Zazaki'nin; Bingöl bölgesindeki şive özelliklerini gösterebilmek amacıyla masaldaki yazım üslubuna ve kelimelerin yazımına karışılmamıştır.

Yo dewıd yo ağa bıw. Yo lajé ın ağaé bıw, nomé yi Mehmet’ıw.Mehmet yo ruej honıd vinon,zef rınd yo kéna yidira. Pia géréni.

Batpé yi voni "ma madem yo binra heskeni ma bızewıj." ...

Géni gıştonıon xu değiş keni. Mehmet gıştonıé xu don kéna, kéna gıştonıé ğu dona Mehmet’i.

Mehmet sersıwa zı wıurzon seméd nımaj, mesin gön, ow kön dı şınu seméd desmaji. Zi deston xu şonu, onon gıştonıé yi vera başka yo gıştonı öst. A deqa, honé yi yon yi vir.

Von, demeq, ına hon raşta. Ez raşta zer kota a kéna.

Batpé nımaj, bayé xura von ına mesla.

Vonu "bawo, mı yo hon di, honıd yo kéna di, ma honıd gıştonon xu değiş kerd, destmajıd ez onawa, raşta ma gıştonon xu değiş kerda. Ez zef zer kota ına kéna, ila ki şıma mir ına kéna bigéré."

Mehmet ujara pénonraz, owraz kot. Yo ruej, dı ruej, yiri ruej zı non nıwé, bayé Mehmet ona raştra Mehmet demeq zer kotu a kéna. Eğer zer nıkoté cı nıka non werdıw.

Vénén zonayi alimo, vénén merdımon pilo, hemınra persén:"ına mesla senina, ına hon çı qédıra yo hona."
Zonayi persén,"nomé ına kéna çıtawa?"

Von, "nomé ınay Kezinzer’a."

"Zonayi(alim) voni ma ni ın nomı şınawıtu, ma ni zoni ına kéna koma, komrawa, ma ni ınqédıra yo kéna diawa."

Ağa merdımon xu hemıno şırawon hemı ca, persénı çé yoy ın nomı şınawıtu, çé yo ına kéna şınasnonu. Yo cıarazi sot nı véjon.

Yo merdım extiyar, zı ujara véron, onon , zeré kiyeé, kiye zé kiyeé matemu. Şınu zeré kiyeé. Ujad person.

Extiyae vonu," çıto, se biu, çé itad yo mörd. Şıma çıra berméni."

Voni,"lajé ağa honıd zer kotu yo kéna, yoyız a kéna nı şınasnon, lajé ağa nonra kot, non nıwon, ma ayra berméni."

Extiyar vonu, "hele mıriz a hon vajé, eziz boni, ına hon çı qédira yo hona, ına hon sénina."

Géni,hékız mesla ın extiyar merdımrazi voni, feqet kesiz ihtimal nıdon ın merdım ına hon zon. Nızoni ın extiyar yo zonayi pilu, zef ca diu, zef wendo yo ténu. Voni, ın extiyar çıara bızon ki, Kezinzer koma.

Extiyar hol goştari kön, hedi wırzon cé xura.

Vonu "mı ına kéna şınawıta." Herkes ujad wıyonu, helez vénén ağa.

Ağa helez yon,von,"vaj, ına koma, komrawa. Tı mıra çıta bıwazi ez dona tı.

Extiyar von,"ez çik nıwazéna."

Extiyar von " hot hey behri, hot hey gazi gereq şıma bıvéré. Çünki, kezingzer kénaé yo Armıni qıralia.Qıralız kénaé xura zef hes könu. Çıré kénaé xu nıdonu şıma.
Çünki ındék tén vaşta kéna nı dıawa yo téniz."

Ağa teşekur kön extiyarir.

Vénon zonayio,yinora person,
Extiyar va “Kezingzer kénaé yo armıni qıralia. Qıraliz kénaé xura zef hes kön.

Kéna nıdon şıma’ ma se kerı, mari yo çarı biviné?”

Zonayi vonié, “ma itad yo çarı vinén, ayiz kéna remnayişa.

Ağa mecbur monon qewul könu.

Vewı niyon ru. Defo queni. Bén asparé astuero, qoni reyı. Hot hey gazi, hot hey behr véréni.Resén behra péyin.

Extiyar vatıw ‘‘eğer şımar resé behra péyin, uja pé yo şekil şıma éşkén bivéré.

Uzi vér behrıd yo gem şıma vinén. Ay purıdé owır, a deqad, yo astuer sıpi owra véjé na. Gereq yo merdım zıxm, gem bigör börz feké astuer, astueriz pit depışnu. Astuer bıremu se şıma hin nı éşkén depişné. Seméd ay pit depışné u merdım ku bonu asparé astuer, gereq şu kéna nımti bıremnu.Çünki, véré kiyé pé askeron qıral gıroto.Yo nı éşkönu şu vér kéna.”

Ağa von, “kom éşkön şu kéna biaru.

Kom kı biaru ez zef çik dona cı.

Herkes terson, feqet, Mehmet vonu “ez şına, gereq waşté ğu ez biari.”

Mehmet şınu. Veré behr, dest erzon gem, gem gönu. Gem don owır, hema astuer véjon. Mehmet’iz xu erzon seré astueri, astuer zef pit depışnon. Astuer romnon heté caé kéna. Yon pénié behr, gem héna don behr, astuer şınu bıné ow. Gem gönu ujad kışté behrıd nonu ru.

Onon veré kiye pé merdımo gıroto.

Vınon, ruej heto tari bıw. Zı şew diyena, hedi hedi şınu vér şıwaqé kiyeé kéna.

Hedi donu şıwaqır. Kéna onena yo xeriw,
Vona “ tı komé?”

Mehmet von “ ez Mehmet’a. Zı mı tı honé xud di, ma gıştonon xu değiş kerd. Ma va, ma bızewıj, ez omiawa tı béri.”

Kéna vona “vıner ez bohçıé xu aridi, ma şı” kéna bohçıé xu ari dona. Pia hedi doni pıru şini heté behr. Mehmet gem vér behra gönu. Gem don owır, helez astuer véjon, Mehmet’iz kéna gön erzon paşté astuer, astuer pit depışnon, yon veré behr, vér bayé xu.

Ağa von “hema çoresé vewı nı qédiawa.hema yo aşm östu.

Kezıngzera voni,”tı itad seré ına daré vallérıd vıner, ruéj vewı çı wext bı dı, ma yéni tı béni.”

Ağa yin şini heté dew.

Ujad kışté owıd yo qer ino sér kena.

Qıson yino hemın gueştari kena. Zı yi şin,
ayiz yena, Kezingzer gena, bena kışté owıd gırı dona. A şına gılé darid ruşena ruéj, vewı bén dı.

Mehmet pé merdımon vewı yonu, seméd vew böru. Onon kéna biawa qer. Léw ya masé, çim ya bi sur, dést ya teqé.

Mehmer person “ çıra tı bé qer.

Vona “ tı zı itara şiyé tijé ominon dıawa mıri, seméd ay ez biawa sia.”

Mehmet person “çıra léw tı teqé”

Vona “ hewaé behr dıa mıri, seméd ayra teqé.”

Mehmet person “çim tı çıra bi sur.”

Vona “ itad ez téna menda, pıra pé tıra bermawa, seméd ay çim mı bisur.”

Mehmet person “ çıra dést tı teqé.”

Vona “wext ez dara omiawa war, dést mı gıné gılon dari, ayra teqé.

Mehmet ay gönu, aspar béni astuero, şini.

Zı şini onen pé yinora yo astuera sıpi yena, qer vona, ına astuer bıkışé. Eğer şıma nı kışé, ına zarar dona vewıé ma.

Veré Mehmet’it cengavér ést, oko erzén seré astueri. Se kén nı éşkén bıkışé.

Zı resén zeré dew, dewij wıyén. Şıma vaté ındeq rında, ına qer çıara arda?

Mehmet zef mahçup bon, feqet von, çik nıbon. vewı dewom keno.


----------------------------------------------




Zazaca Tv icin Gazetecilerimiz,Milletvekillerimiz,Siyasetcilerimiz,Sporcularimiz,Sanatcilarimiz,Sanayici ve Is Adamlarimiz el ele,yürek yürege vererek keske bir kapmanya baslatabilseler. Halkimizin gözleri sizde lütfen halkimiza umut olun. Baslangic olarak tüm Zaza Halkimizin sahiplenebilecegi Zazaca Cocuk Programlari,Zazaca Yarisma Programlari,Zazaca Spor Programlari, Sehirlerimiz ve Gurbetde yasayan Zaza Insanlarimizla güzel icerikli Temiz programlar....vs yapilabilir.

--------------------------------------------------------




-------------------------------------------




-----------------------------------------------



----------------------------------------------



------------------------------------------------




Zonê (zıwanê) daykê kı sêy şıt daykê kı helalo. Her yew zon ayêt homa tealayo. Homa Teâla ayeti kerime dı kerem keno o vuno;
“Tewırtiye zon u rengê şıma ayet mıray.” (Rum-22)

Meselê zon dı gera kı ın hetra buni cı. O wext zon(zıwan) çend erjaye u mühimo hina hol fehm beno. Eger ın zon Homateala do ma se, gera ma zi wahar zone xu veci. Şıma zi zuni rapore UNESCO dı zazaki o bın tehlukeyê vindbiy...ayışıd.

INA MESELA HENDÊ AW U NON MÜHİMA.

Çümki merdım pê reng u vengê xu rındeko. Bediüzzaman zondadi ser vuno ku; “İnsondı mühre qeder zono(zıwano)” Yani zondadi zaf mühimo. Ina mesele dı gera herkes berpırsiyari biger xu ser u zonê xu qalbıker. Kiye dı, teber dı,kar dı gera ma zazaki qalbıker.Çümki her gure yew bıngê yı esto,bıngê ın gure zi zon nuştışo qalkerdışra viyereno.

Meselê zondı hemı siyasi münaqaşonra gera ma dur vındır. Çı fikirdı beno wa bıbo, wa bızun ku vêr cu zon yeno, badê cu fikir yeno.Eg zonê ma bı vin se, ma zi bêni vino, ma bêni xêrib xu.Homa Teala zonê zazaki u hemı zonon(zıwanan) emır derg bıdo cı.Ma êr şetıl zazaki qayım rueno,wa semêde tornê qıcon ma zergunıb o vıl bıdo.

Eger tı qayil zonê tu bı cuwiyu,o hel zi: ZAZAKİ BIMUS,BIWON O BINUS…

http://www.bingolbulten.com/kose-yazisi/32/zazaki-ser.html
Mehr anzeigen


--------------------------------------------------------



------------------------------------------------



----------------------------------------------




Bêvengey teslim biyayena
Xo teslimê neyaran kerdena
Xo rıdayeni u xora dest antena
Xora fek viradayeni u girotena
Neheqey xo sêne antena ...
Bêvengey ters u tersayena
Xof gıroteni u zeri qütifyayena
Xem xo sêne anteni u werdena
Zeriya xo sıst tepıstena
Xo hiç u puç vinayena
Bêvengey, bındestey u koletey
u heme neheqeyan qebul kerdena
Xo hiç u qe çiyê nêdiyayena
Bêvengey hiçey bı xoya ana
u hember neyaran xo hiç kena
Bêvengey u bêveng mendeni
destirmayini rê razi biyayena
Xo koley koleyan kerdena
Serevdey xo dayeni u werdena
u neheqey rê mil ronayena
Bêvengey kar u barê camêrdey,
Xo nêzanayeney u nêsinasnayeney
u xoroteney niyo u vanê nêbo zi
Eyra vanê kes bêveng nêmano,
bêvengey xo nêno u mil nêrono
Bêvengey vanê karê ma nêbo u ma cıra
tim u tim duri kewê
Hember neheqeyan vengê xo vecê,
vengê xo berz kerê u inan vacê
Rastey u çewteyan bi venga biyarê zıwan
Bêvengey koreya, kerrey u laleya
Bêveng koro çiyê nêvineno
Kerro çiyê niyasnaweno
Lalo nêwetano qisey bikero
Tersinoko nêwetano xo bisinasno
Bêveng semedo ki heme çi, heme
neheqeyan qebul keno u anceno xo sêne
bêvengo
Bêveng semedo ki veng nêveceno, hiço,
qe çiyê niyo u çiyêrê nêbeno


-----------------------------------------------------------------




Tênayi yo qala,
çik kıhun nêbena.
Seserrun ra heta ê(y)ru.
Tı kue bi,
kerra bi ferq nêken. ...
Yena yo ruec/roec,
kuena tu kıst.
Bisew’(vizêr sund)
Dı hesri mı çımun ra koti
Yo turi.
Yo mıri.
Ems’
Ez pıyorê nûstun xu kenu miyun yo
heqbi,
ana vêr bêri d’ nuna ru.
Belka tueri beni yo ambaz
Tênayiyê turi, tênayiyê turi

------------------------------------------------------------




Ho bisevekne,hora hasbike,
Rawa sari de ho mekise,
karê sari de ho telef meke,
en virende hora hasbike,
dimera yiyê binura....
Cori ho vira meke,
to ke hora hasnêkerd,
kes tora hasnêkeno.

Rew mexapiye,
Raver meso, rew memire,
eve vatena sari ho megoyneno,
Eve vatena sari ho mepoyneno.

Bingehê ho çipke,
Hode hast ve, royê rast ve,
To ke hode biya hast,
U waxt mau piye hode ki bena hast,
çêyê hode, hometa hode ki bena hast.

Wesiyede hast ve, dina de hast ve,
Hode hast ve, royê rast ve.
To ke biya voreke, tu ke biya miye,
Dormê tode vergi benê deyra.
Wesiye wesa, reyna peyser nina,
En wesiya xiravine, onciya
Merdene ra rinda.


----------------------------------------------------------



http://zazaedebiyati.tr.gg/sayfa_2.htm

---------

http://zazaedebiyati.tr.gg/sayfa_4.htm

---------

http://zazaedebiyati.tr.gg/

Bugün 11412 ziyaretçikişi burdaydı!
=> Sen de ücretsiz bir internet sitesi kurmak ister misin? O zaman burayı tıkla! <=